FERROMAQNİT REZONANSI - maqnit rezonansının növlərindən biri; xarici maqnit sahəsinin intensivliyinin (H) və elektromaqnit sahəsinin tezliyinin (w) müəyyən (rezonans) qiymətlərində ferromaqnetikin elektromaqnit sahəsinin enerjisini selektiv udması zamanı baş verir. F.r.-nı V.KArkadyev qabaqcqdan söyləmiş (1912) və ilk dəfə müşahidə etmişdir (1913); Y.Q.Dorfman kvant fizikası nöqteyi-nəzərindən əsaslandırmışdır (1923).
F.r.-nın tezliyi ferromaqnetikin maqnit momentinin presessiyasının (Larmor presessiyası) məxsusi tezliyi ilə üst-üstə düşür: w = yHeff , burada ү = gмB/Һ - maqnit-mexaniki nisbət, g - Lande vuruğu, 
в - Bor maqnetonu, Һ - Plank sabitidir. Heff sahəsi H-dan əhəmiyyətli dərəcədə fərqlənir. F.r. zamanı atomların və ya ionların elektron maqnit momentləri mübadilə qarşılıqlı təsiri nəticəsində vahid bir sistem kimi rəqs edir və spontan maqnitlənmənin olması daxili molekulyar sahənin yaranmasına gətirir. Ümumi halda Heff -in formalaşmasına maqnit anizotropiyası, maqnit elastiki qarşılıqlı təsiri və həmçinin maqnitsizləşmə prosesi öz töhfəsini verir. Axırıncı amil F.r.-nın tezliyinin nümunənin formasından asılılığına gətirir. Həcmi ferromaqnetikin bircins maqnitlənmiş domenlərə bölünməsi ferromaqnit rezonans hadisəsinin interpretasiyasını mürəkkəbləşdirir.
F.r. dedikdə, çox vaxt sabit və ya yavaş dəyişən maqnit sahəsində yerləşən ferro- və ya ferrimaqnetiklərdə (bax Ferrimaqnit rezonans) İYT-diapazonlu tezliyə malik dəyişən maqnit sahəsinin təsiri ilə baş verən proseslər toplusu nəzərdə tutulur. F.r.-nın belə geniş mənada təyini, praktiki olaraq bütün İYT-li maqnit qurğularının (generatorlar, gücləndiricilər, filtrlər və s.) işləmə prin sipinin əsasında dayanır.
