FƏXRALI (1991 ildәn Talaveri) – Gürc.-nın Kvemo-Kartli mahalının Bolnisi bәlәdiyyәsi әrazisindә azәrb.-ların yaşadığı kәnd. Bolnisi ş.-dәn 19 km ş.-dә, Somxeti silsilәsinin şm. әtәklәrindә, Dәlәver (Talaver) çayının sahilindә, dәniz sәviyyәsindәn 560 m hünd.-dә yerlәşir. Kәnddә 1870 ildә 1139 nәfәr (170 ailә), 1926 ildә 2321 nәfәr (470 ailә), 2002 ildә 6891 nәfәr (1447 ailә), 2006 ildә 6784 nәfәr (1568 ailә) әhali qeydә alınmışdır. Azәrb. dilindә 2 orta mәktәb, xәstәxana; mәscid fәaliyyәt göstәrir.

Tarixi tam olaraq araşdırılmamışdır. F.- da 12, 14 vә 16 әsrlәrә aid müsәlman qәbirüstü abidәlәri vardır. Adına dair ilk yazılı mәlumatlara hazırda Tbilisi arxivindә saxlanılan 15 әsrә aid gürcü mәnbәlәrindә rast gәlinir. 17 әsrin sonlarından başlayaraq әhalisi Qazax-Gәncә vә Qarabağ bölgәlәrindәn, hәmçinin İrandan gәlmәlәr hesabına xeyli artmışdır. 1864 il martın 11-dә Qafqaz canişini M.N.Romanovun әmri ilә tәsis edilmiş Qafqaz Arxeologiya Komissiyasının Qafqaz canişinliyi Baş İdarәsinin arxivlәrindә toplanılmış sәnәdlәr әsasında nәşr etdirdiyi “Qafqaz arxeoqrafiya komissiyasının topladığı aktlar” külliyyatının 1-ci cildindә F. inzibati cәhәtdәn Lori qәzasına daxil olan vә әhalisi azәrb.-lardan ibarәt kәnd kimi göstәrilmişdir. 1991 ildә Gürcüstan rәhbәrliyinin etnik azlıqların mәskunlaşdıqları yaşayış mәntәqәlәrinin tarixi adlarının dәyişdirilmәsi siyasәti nәticәsindә F. Talaveri adlandırılmışdır.