FƏRDİ RAKET MÜHƏRRİKİ QURĞUSU – kosmonavtın açıq kosmosda hәrәkәtini tәmin edәn qurğu. Müxtәlif istiqamәtlәrdә tәrpәnmәz qurulmuş, dartı qüvvәsi 5–15 N olan bir neçә impulslu raket mühәrrikindәn ibarәtdir. Sıxılmış azot, yaxud oksigenlә işlәyәn әl F.r.m.q., hәmçinin pedalla idarә edilәn (raket mühәrriklәri kosmonavtın ayaqlarının altında yerlәşdirilir) kreslolu, sıxılmış azotla işlәyәn arxada gәzdirilәn F.r.m.q.-ları sınaqdan keçirilmişdir. Arxa çantasına quraşdırılmış raket mühәrriklәri әl ilә, yaxud avtomatik idarә olunur. Hidrogen peroksidi vә hidrazin qarışığında işlәyәn F.r.m.q. yaradılmışdır.