FƏRƏCOV Sərdar Fərəculla oğlu (d.8. 12.1957, Bakı) - Azərb. bəstəkarı. Azərb. Resp. xalq artisti (2019), əməkdar incəsənət xadimi (2007). Azərb. Bəstəkarlar İttifaqmm katibi (2012 ildən). Azərb. Dövlət Konservatoriyasını (kompozisiya üzrə X.Mirzəzadənin sinfini) bitirmişdir (1982). 1984 ildən Ü.Hacıbəylinin evmuzeyində baş elmi işçi işləmişdir. 2005 ildən muzeyin direktorudur. Müxtəlif janrlarda bəstələdiyi əsərlər arasında “Şah Xətai" (1988, 2-ci redaksiyasa, 2007) dastan-simfoniyası, xalq çalğı alətləri üçün “Bayatı-Şiraz rapsodiyası” (2002), "Bir günlük sigə" (2003), “Şəhərdə manyak var” (2007) operettaları, tar və piano üçün “Pyeslər məcmuəsi” (2008), iki royal üçün “Pyes- lər” (2011), böyük simfonik ork. üçün “Koroğlu əfsanəsi" (2012), 6 solist, xor və ork. üçün “Sonsuzluq karvanı” oratoriyası (201516), “Cavad xan” baleti (2018) və s. var.
Bir sıra teatr tamaşalarına ("Kim dedi ki, Simurq quşu var imiş", 2004, K.Abdulla; "Vida marşı", 2004, F.Mustafa; "Ölüləri qəbiristanlıqda basdırın", 2005, İ.Şıxlı; "Məhv olmuş gündəliklər", 2005, İ.Əfəndiyev; - "Lənkəran xanının vəziri" (2008, M.F.Axundzadə; "Manqurt", 2008, Ç.Aytmatov və s.), bir sıra bədii və sənədli televiziya filmlərinə ("Koroğlu", 20022003; Ü.Hacıbəyliyə həsr olunmuş "Əbədi iftixarımız", 2010 və s.), "Cavad xan" bədii filminə musiqi bəstələmişdir. "Üzeyir işığında" məqalələr toplusunun (2010), "Ü.Hacıbəyli müasirlərinin xatirələrində" kitabının, şeir, hekayə, məqalə və librettoların müəllifidir. Ü.Hacıbəylinin əsərlərinin bərpası və nəşri ilə məşğul olmuşdur ("Vətən. Millət. Ordu" vətənpərvərlik mahnılarının tərtibçisi; 2005; "O olmasın, bu olsun" musiqili komediyasının klavirin ilk nəşri, 2007; "Ər və Arvad" operettasının bərpası, yeni klavir və partituranın yazılması, 2010; və s.). Azərb. Milli konservatoriyasında pedaqoji fəaliyyət göstərir (2009 ildən). Az.TV-də həftəlik "Musiqi xəzinəsi" silsilə verilişlərinin müəllifi və aparıcisıdır (2010 ildən). Gənc muğam ifaçıları televiziya müsabiqəsinin münsiflər heyətinin üzvüdür (2013 ildən).
Ə s ə r i: Üzeyir işığında. B., 2010.
