FƏRƏCOV Zülfüqar Hәsәn oğlu (d.7.7.1951, Bakı) – Azәrb. tibb alimi, dermatoveneroloq. Tibb e.d. (1990), prof. (2008), әmәkdar elm xadimi (2012). Azәrb. Dövlәt Tibb İn-tunu (ATİ, indiki ATU) bitirmişdir (1973). 1975–82 illәrdә Sumqayıt vә Bakı şәhәrlәrindә hәkim işlәmiş, 1982–85 illәrdә Moskvada Mәrkәzi Dәri-Zöhrәvi Xәstәliklәri Elmi Tәdqiqat İn-tunda klinik ordinator olmuşdur. F. 1986–87 illәrdә ATİ-nin Mәrkәzi Elmi Tәdqiqat Laboratoriyasında baş elmi işçi olmuş, 1987–90 illәrdә Moskva şәhәrindә Mәrkәzi Dәri-Zöhrәvi Xәstәliklәri Elmi Tәdqiqat İn-tunun doktoranturasında tәhsil almışdır. 1991 ildәn ATU-nun dәri-zöhrәvi xәstәliklәri kafedrasında (2008 ildәn kafedra müdiri) işlәyir. Tәdqiqatları, әsasәn, dәrinin qovuqlu vә limfoproliferativ xәstәliklәrinin etiopatogenezinin öyrәnilmәsinә hәsr edilmişdir. 150- dәn artıq elmi әsәrin müәllifidir. Azәrb. Resp. Sәhiyyә Nazirliyinin baş dermatoveneroloqudur (1999 ildәn).

Ə s ә r i: Лимфопролиферативные заболевания кожи и саркома капоши. В., 1996.