FƏRƏH (Farah) Məhəmməd (Mo) (d.23.3.1983, Moqadişo) - B.Britaniya idmançısı (yüngül atletika). 2010-cu illərin ən güclü stayerlərindən biridir. 2006 ildə yüngül atletika krossu üzrə Avropa çempionatının qalibi olmuş, 5000 m məsafəyə qaçış üzrə Avropa çempionatının gümüş mükafatını qazanmışdır. 4 dəfə Olimpiya Oyun- larının (2012, London, 5000 m, 10000 m; 2016, Rio-de-Janeyro, 5000 m, 10000 m), 5 dəfə dünya (2011 - 5000 m; 2013 - 5000 m, 10 000 m; 2015 - 5000 m, 10000 m) və Avropa (2010 - 5000 m, 10 000 m; 2012 - 5000 m; 2014 - 5000 m, 10000 m) çempionu olmuşdur. Britaniya imperiyası ordeninin komandorudur (2013).