FƏRİBÜRZ I (? – tәqr. 1096) – Kәsranilәr sülalәsindәn şirvanşah [1063–96]. Salar ibn Yәzidin oğludur. Atasının sağlığından dövlәti idarә edirdi. I F.-ün dövründә Şәddadilәrin (1063–64) vә Sәlcuqilәrin (1066) dәfәlәrlә Şirvana basqınları oldu. I F. hәr dәfә xeyli xәrac vermәklә, müxtәlif diplomatik vasitәlәrlә Şirvanın müstәqilliyini qorudu; bu zaman I F.-ün çәtin vәziyyәtdә qalmasından istifadә edәn Kaxeti çarı II Aqsartan [1058–84] Şәkini tutdu. 1067 ildә Arranda Sәlcuq sultanı Alp Arslanın [1063–72] yanına qiymәtli hәdiyyәlәrlә gәlәn I F. onun vassalı oldu. 1068 ildә I F. Dәrbәndi tutub onun idarәçiliyini oğlu Əfriduna tapşırdı. Dәrbәndlilәrin şikayәtinә görә Alp Arslan I F.-ü hәbs etsә dә, tezliklә onu hәr il çoxlu xәrac ödәmәk şәrtilә azadlığa buraxdı. Alp Arslan Azәrb.-ı tәrk etdikdәn sonra I F. qısa müddәtdә Arran, Muğan vә Beylәqanı, hәmçinin Dağıstanın bir hissәsini әlә keçirdi; oğlu Əfridunu yenidәn müstәqil hakim kimi Dәrbәndә göndәrdi (1071). 1078/79 ildә sultan Mәlikşah [1072–92] Azәrb.-a gәldikdә ildә 70 min dinar (sonralar bu rәqәm 40 minә endirildi) xәrac müqabilindә I F.-ün asılılığını qәbul etdi. Mәlikşahın ölümündәn sonra I F. sәlcuqların asılılığından çıxaraq ölkәni tam müstәqil idarә etmәyә başladı.

Bakının İçәrişәhәr әrazisindәki Sınıqqala mәscidi I F.-ün әmri ilә tikilmişdir. Şamaxıda I F.-ün adı ilә bağlı 1078/79 ilә aid kitabә qalmışdır. Onun adına zәrb edilmiş gümüş sikkәlәr tapılmışdır. Xaqaninin bir mәdhiyyәsindә adı çәkilir.