FƏRİDABÁD – Hindistanın şm.-ında, Haryana ştatında şәhәr. Əh. 1,4 mln. (2011). Pәncab-Haryana düzәnliyindә, Yeni Dehlidәn c.-da, Camna çayı sahilindәdir.

 Fəridabad şəhərindən görünüş.


1607 ildә Böyük Moğol hökmdarı Cahangirin xәzinәdarı Şeyx Fәrid tәrәfindәn bu әrazidәn keçәn mühüm yolun tәhlükәsizliyini tәmin etmәk mәqsәdilә qala inşa olunmuşdur. Qalanın, rezervuarın vә mәscidin qalıqları indiyәdәk qalmaqdadır. F. 1979 ildә Haryana ştatının tәrkibinә qatılmışdır. 

Badkhal gölü, şəhər parkı F.-ın görməli yerlərindəndir. Günəş məbədinin şərəfinə Surackund adlandırılan kənd şəhər ətrafında yerləşir.

Elm və texnologiya un-ti (1969), Menecment un-ti (1989), Texnologiya in-tu (1997), Biotexniki regional mərkəz (2006) və s. var. Hər ilin fevral ayında Beynəlxalq sənətkarlıq yarmarkası keçirilir.

“Nahar Sinqh” stadionunda (25 min yerlik) kriket üzrə beynəlxalq və liqa yarışları keçirilir.

Xına istehsalı ilә mәşhurdur. Traktor, motosiklet, kommutator, soyuducu, elektron avadanlıq, elektrotexnika mәhsulları, şin, ayaqqabı; süd mәhsulları istehsal edәn müәssisәlәr fәaliyyәt göstәrir.