FƏRQANƏ SİLSİLƏSİ – Qırğızıstanda, Qәrbi Tyanşandadır. Fәrqanә vadisini Daxili Tyanşandan ayırır. C.-ş.-dәn şm.-q.-ә 225 km mәsafәdә uzanır. Hünd. 4692 m-әdәkdir. C.-q. yamacı uzun vә az meyilli, şm.-ş. yamacı qısa vә dikdir. Qabbro vә diabaz intruziyaları ilә yarılmış şist, qumdaşı vә әhәngdaşıdan ibarәtdir. Silsilәnin c.-q. yamacında qoz ağaclarından ibarәt meşә massivlәri, yuxarılarda iynәyarpaqlı vә ardıc meşәlәri, subalp vә Alp çәmәnlәri yayılmışdır. Kömür, dağ әtәklәrindә neft yataqları mәlumdur. Yala yaxın hissәlәrdә, әsasәn, c.-ş.-dә ümumi sah. 195 km2 olan 383 buzlaq var. Kulunata qoruğu, Saymaluu-Taş vә Qara-Şoro milli parkları buradadır.
Fərqanə silsiləsi.
