FƏRQSİZLİK ƏYRİSİ – istehlakçı tәlәbatı tәhlilinin әsas alәtlәrindәn biri. F.ә.-ni ilk dәfә F.Ecuort tәklif etmiş, V.Pareto vә N.Fişer onu tәkmillәşdirmişlәr. Daha sonra C.Hiksin 1939 ildә nәşr olunmuş “Dәyәr vә kapital” әsәrindә F.ә. xeyli inkişaf etdirilmişdir.

F.ә.-nin nöqtәlәri (mәs., P₁, yaxud P₂) (şәk.1) alıcı üçün ümumi qarşılıqlı faydalılığı eyni olan X vә Y әmtәәlәrinin mümkün kombinasiyalarını xarakterizә edir. F.ә.-nin mailliyi iki әmtәәnin әvәzlәnmәsinin son hәdd normasını (müәyyәn miqdarda olan әmtәәlәrin son hәdd faydalılıqlarının nisbәtini) sәciyyәlәndirir. Daha yüksәkdәki F.ә. üzәrindәki hәr bir nöqtә (mәs., P₃) onun xarakterizә etdiyi X vә Y kombinasiyasının P₃-dәn aşağıda yerlәşәn F.ә.-ndәki istәnilәn әmtәә kombinasiyası ilә müqayisәdә alıcıya daha çox mәcmu faydalılıq verdiyini göstәrir.

 Şәkil 1. Fәrqsizlik әyrisi