FƏRZƏLİYEV Mehrәli Mәmmәd oğlu (d. 23.6.1946, Bakı) – Azәrb. iqtisadçısı, iqtisad e.d. (1989), prof. (1994), Azәrb. Resp.-nın әmәkdar müәllimi (2010). M.Fәrzәliyevin oğludur. Azәrb. Politexnik İn-tunu (1970) bitirmişdir. “Ümumittifaqkanallayihә”dә mühәndis (1970–71), Azәrb. Elmi Tәdqiqat Hidrotexnika vә Meliorasiya İn-tunda baş elmi işçi (1978–89), Azәrb. Resp. Dövlәt Plan Komitәsi nәzdindәki Elmi Tәdqiqat İqtisadiyyat İn-tunda şöbә müdiri (1989–91), ADİU-nun prof.-u (1991–2002), Azәrb. Dövlәt Neft Akademiyasında kafedra müdiri (2002–12) işlәmişdir. 2012 ildәn Azәrb. Dövlәt Neft vә Sәnaye Un-tinin prof.-udur. Azәrb.-da ilk dәfә olaraq tәbii-iqtisadi zonalar üzrә kollektor-drenaj, hidromeliorasiya sistemlәri vә onların ayrı-ayrı hissәlәrinin yenidәn qurulmasının, meliorasiya fondlarından istifadәnin iqtisadi sәmәrәliliyinin müәyyәnlәşdirilmәsi, tәbii sәrvәtlәrdәn, o cümlәdәn faydalı qazıntılar, su vә torpaqdan istifadәnin qiymәtlәndirilmәsi metodikasını işlәyib hazırlamışdır. 155 elmi әsәrin, o cümlәdәn 3 monoqrafiya, 4 ixtiranın müәllifidir. Elmi kadrların hazırlanmasında xidmәti var.

Ə s ә r i: Эффективность капитальных вложений и основных фондов на мелиорированных землях Азербайджанской ССР. Б., 1988.