FƏRZƏLİYEV Pәhlivan Əhliman oğlu (28.9.1958, Füzuli r-nunun Qobu Dilağarda k. – 11.4.1992, Füzuli r-nunun Qacar k.) – Azәrb.-ın Milli Qәhrәmanı (ölümündәn sonra, 8.10.1992). Hәrbi xidmәti Qazaxıstanda keçmişdir. Ordudan tәrxis olunduqdan sonra Qazaxıstanın Aktyubinsk ş.-indә polis nәfәri kimi xidmәt etmişdir. Orenburq Politexnik İn-tunun avtomobil nәqliyyatının istismarı fakültәsinә daxil olmuşdur (1986). Nümunәvi xidmәtinә görә polis baş leytenantı rütbәsinә layiq görülmüşdür. 1990 il 20 Yanvar faciәsindәn sonra Azәrb.-a gәlmiş, Füzuli RDİŞ-dә xidmәtini davam etdirmişdir. Füzuli r-nunun sәrhәd kәndlәri uğrunda gedәn döyüşlәrdә göstәrdiyi şücaәti nәticәsindә Xәlәfşә k.-ndә bir ermәni bölüyü vә bir zirehli transportyor mәhv edilmişdir. Füzuli r-nunun әsas strateji dayaq mәntәqәlәrindәn olan Qacar k. uğrunda gedәn döyüşdә qәhrәmancasına hәlak olmuşdur. Doğulduğu Qobu Dilağarda k.-ndә dәfn edilmişdir. Bakıda adına küçә var.

Əd.: Əliyarlı İ. Azәrbaycan Respublikası Daxili İşlәr Orqanlarının milli qәhrәmanları. B., 2005, s. 32–33; Əsgәrov V. Azәrbaycanın milli qәhrәmanları. B., 2010, s. 102.