FƏTƏLİYEV Hasil Kamalәddin oğlu (d. 28.4.1959, Zәrdab r-nunun İsaqbağı k.) – qida mәhsullarının texnologiyası sahәsindә Azәrb. alimi. Texnika e.d. (2006), prof. (2011). Azәrb. Kәnd Tәsәrrüfatı İn-tunu (AKTİ, indiki ADAU) bitirmişdir (1981). AKTİ-dә assistent (1981–88), baş müәllim (1988–90), kafedra müdiri (1994–2000), dekan (2002–09) işlәmişdir; 2009 ildәn kafedra müdiridir. Tәdqiqatları şirә vә şәrabların bioloji dayanıqlığının yüksәldilmәsinә, Azәrb. şәrablarının texnologiyasının tәkmillәşdirilmәsinә, xammalın vә bәzi qida mәhsullarının elektrotermik üsullarla işlәnilmәsinә vә s. aiddir. 230-dan çox elmi әsәrin, o cümlәdәn 1 monoqrafiyanın müәllifidir. Beynәlxalq konfrans vә simpoziumlarda mәruzә ilә çıxış etmişdir. Elmi kadrların hazırlanmasında xidmәti var.

Ə s ә r i: Совершенствование технологии Азербайджанских вин. Б., 2004.