FƏZA QƏFƏSİ - tam üzlərlə bir-birinə çox sıx (kip) bitişən və fəzanı boşluqsuz dolduran eyni paralelepipedlərin təpələrində yerləşən nöqtələrin (düyünlərin) üçölçülü periodik sistemi. Düyünlər və paralelepipedlər paralel köçürmələrin (translyasiyaların) köməyilə fəzada periodik olaraq təkrarlanır.
F.q. kristal qəfəsin ən sadə həndəsi sxemidir. F.q.-nin düyünü zərrəciyi (atomu, ionu, molekulu) və ya onların simmetrik olaraq strukturda təkrar olunan qruplarını təmsil edir. Cəmi 14 tip F.q. düzəltmək olur (bax Brave qəfəsləri).
