FƏZLİ (? - ?) - 16 əsr Azərb. şairi. M.Füzulinin oğludur. Bağdadda Azərb. dilində yaranan poeziyanm görkəmli nümayəndəsidir. Haqqında ilk məlumatı müasiri Əhdi Bağdadi “Gülşən üş-şüəra” (“Şairlər gülşəni”) təzkirəsində vermişdir. Azərb., fars və ərəb dillərində yazmışdır. Müəmma və maddeyi-tarixləri olmuşdur (hələ tapılmamışdır). İrsindən cünglərdə yalnız bəzi aşiqanə-lirik şeirləri qalmışdır. Füzulinin təsiri duyulan qəzəllərinin dili sadə və səmimidir. F. Azərb. dilində ilk müstəzad yazanlardandır. Əldə olan şeirlərinin çoxu məhəbbət mövzusundadır. Xalq ədəbiyyatını, aşıq qoşmalarını xatırladan şeir nümunələri də vardır.

Əd. : A r а s 1ı H. Böyük Azərbaycan şairi Füzuli. B., 1958; Azərb. ədəbiyyatı tarixi. 6 cilddə, c.3, B., 2009.