FIR MİLÇƏKLƏRİ (Cecidomyiidae) – uzunbığcıqlılar yarımdәstәsindәn ikiqanadlı cücülәr fәsilәsi. Uzunbığcıqlı vә qanadlı (damarlanma reduksiyaya çox uğramışdır) ağcaqanadlardır (0,5 mm, bәzәn 8 mm-әdәk), qanadsız formaları da var. Hәr yerdә yayılmışdır. 5300-ә yaxın növü var; Azәrb.-da 50 növü yaşayır. Yetkin F.m. qidalanmır vә ya bitkilәrin şirin ifrazatı ilә qidalanır. Bir neçә saatdan 2–3 günә qәdәr yaşayır. Hava axını ilә passiv yayılır. Bir çox bitkiyeyәn F.m.-nin sürfәlәri fırlar әmәlә gәtirir (adı da buradandır) vә içәrisindә yaşayıb qidalanırlar. Digәrlәri çiçәklәrdә, gövdә vә yarpaq qoltuqlarında sәr- bәst qalır. Torpaqda, meşә altlığında, çürüyәn oduncaqda, quruyan bitkilәrdә yaşayan F.m.-nin sürfәlәri göbәlәk mitselisi vә ya çürüyәn bitki qalıqları ilә qidalanır. Sürfәlәri arasında mәnәnәlәrә, yastıcalara, bit- kiyeyәn gәnәlәrә vә b. F.m.-nin sürfәlәrinә hücum edәn yırtıcıları, hәmçinin mәnәnә vә yarpaqbirәsinin endoparazitlәri var. Bir sıra növlәri sürfә mәrhәlәsindә çoxalır (pedogenez). F.m. arasında bitki zәrәrvericilәri dә çoxdur. Taxıl bitkilәrinә zәrәri, әsasәn, Hessen milçәyi vә darı ağcaqanadı verir. F.m.-nin müxtәlif növlәri meyvә ağaclarına, gilәmeyvә kollarına әhәmiyyәtli ziyan vurur: mәs., tozağacı damarlı F.m. (Massalongia rubra), toxumyeyәn F.m. (Plemeliella abientina) vә b. Yırtıcı F.m.-ndәn (Aphidoletes aphidimyza) örtülü torpaqda bitki zәrәrvericilәrinә qarşı bioloji mübarizә vasitәsi kimi istifadә edilir.
Əd.: М а м а е в Б.М. Галлицы, их биология и хозяйственное значение. M., 1962.
