FIRÇAOTUKİMİLƏR (Dipsacaceae) – ikilәpәli bitki fәsilәsi. Kolcuqlar, yarımkollar, otlardır. Yarpaqları qarşılıqlı, ikiyә bölünmüş vә ya bütövdür. Çiçәklәri boruşәkilli, çox vaxt әyri büküklü, başcıq vә ya ellipsvarı sıx çiçәk qrupunda yerlәşir. Meyvәsi çox vaxt bәrkiyәn şaxәlәnmiş kasacıqlı toxumcadır. Avrasiya vә Afrikada 9 cinsi (260 növ) var. F.-in 2 nadir növü (Scabiosa olgae vә S. litvinovii) mühafizә olunur. Azәrb.-da 5 cinsdә birlәşәn 30 növü bitir. Ən qiymәtli cinslәri qantәpәr (Cephalaria), qoturotu (Knautia) vә skabiozadır (Scabiosa). F.-in toxumunun tәrkibindә yüksәkkeyfiyyәtli qida yağı var: mәs., Suriya qantәpәrinin (C. syriaca) üyüdülmüş toxumları una әlavә edildikdә dadlı vә gec boyatıyan çörәk әldә edilir. Bir çox gözәlçiçәklәyәn vә xarici görünüşü qeyri-adi olan F.-in nümayәndәlәri becәrilir. Əvvәllәr F. fәsilәsinә aid edilәn Morina cinsi indi xüsusi morinakimilәr fәsilәsini tәşkil edir.

 Fırçaotukimilәr. Olqa skabiozu (Scabiosa olgae).