FIRLANĞICLAR (Gyrinidae) – әtyeyәnlәr yarımdәstәsindәn böcәklәr fәsilәsi. Uz. 3–10 (bәzәn 27-әdәk) mm-dir. Bәdәni damcışәkilli vә ya iyşәkillidir. Ön ayaqları tutucu, orta vә arxa ayaqları isә üzgüçüdür. Başında 2 cüt gözü var; üst gözlәr havada, alt gözlәr suda görmәk üçündür. 700-dәn çox növü (Azәrb.-da 11) var. Ən çox yayılan Aulonogyrus concinnus növüdür. Əsasәn, tropik vә subtropiklәrdә geniş yayılmışdır. Durğun vә axarsu nohurlarında yaşayır. Cücülәr vә digәr xırda onurğasızlarla qidalanır. Suyun üzәrindә tez-tez fırlanaraq üzürlәr (adı da buradandır); adәtәn qruplar halında yığılırlar. Sürfәlәri suyun dibindә yaşayır; puplaşma sahildә gedir.

  Aulonogyrus concinnus fırlanğıcı.