FİANARANTSÚA (Fianarantsoa) – Madaqaskarda şәhәr. Fianarantsua әyalәtinin inz. m. Əh. 190 min (2013). Manakara portu ilә d.y. vasitәsilә әlaqәlidir. Aeroport var.

 Fianarantsua şәhәrindәn görünüş.

1830 ildә kraliça Ranavaluna tәrәfindәn Antananarivudan sonra ikinci paytaxt vә mәrkәzi dağlıq yaylanın c. hissәsindә hәrbi forpost kimi salınmışdır. Avropa missionerlәrinin gәlişindәn sonra F. regionda xristianlığın mühüm mәrkәzinә çevrilmişdir.

Şәhәr yuxarı (çoxsaylı kilsәlәr, o cümlәdәn Ambozontani baş kilsәsi vә tarixi binalar), orta (ofis vә banklar) vә aşağı (kommersiya mәrkәzi vә d.y. st.) hissәlәrdәn ibarәtdir. F.-nın müasir memarlıq görünüşü 20 әsrin 20-ci illәrindә formalaşmışdır. Un-t fәaliyyәt göstәrir. Şәhәrәtrafında qәhvә, pomidor, tütün, üzüm vә çәltik becәrilir.