FİQU Luiş (Luis Filipe Madeira Caeiro Figo) (d. 4.11.1972, Lissabon) - Portuqaliya idmançısı (futbol). 1990-cı illərin sonu - 2000-ci illərdə dünya futbolunun әn yaxşı yarımmüdafiəçilərindən biri. Dünya və Avropanın ən yaxşı futbolçusu seçilmişdir (2000). “Sportinq” (Lissabon, “Real” (2000-05),1989-95), ‘Barselona” (1995-2000), “ İnternasionale” (2005-09) klublarında çıxış etmişdir. 4 dəfə İspaniya (1998, 1999, 2001, 2003) və İtaliya (2006-09) çempionudur. 6 dəfə Portuqaliyada (1995-2000) ilin oyunçusu adına layiq görülmüşdür. UEFA Çempionlar liqasının qalibi (2002), Kuboklar kubokunun (1997), UEFA Superkubokunun (1997, 2002) və Qitələrarası kubokun (2002) sahibidir. Klub futbolunda 572 matçda 91 qol, Portuqaliya yığma komandasının heyətində (1991-2006) 127 matçda 32 qol vurmuşdur. Avropa çempionatlarının gümüş (2004) və bürünc (2000) mükafatçısıdır. Dünya çempionatlarının (2002, 2006) iştirakçısıdır.