FİLALİLƏR (Şәrqi Mәrakeşdәki Filali nәslinin adından; rәsmi adı Əlәvilәr) – Mәrakeşdә sultan, 1957 ildәn isә kral sülalәsi. Banisi әr-Rәşid (bәzi mәlumatlara görә, qardaşı Mәhәmmәdlә birlikdә) idi. 1666 ildә (digәr mәnbәlәrә görә, 1660 vә ya 1668) Fәs ş.-ni tutmuş vә sultan elan olunmuşdur. Onun varisi İsmayıl yaratdığı ordu vasitәsilә Mәrakeşi birlәşdirmiş, paytaxtı Miknas ş.-nә köçürmüşdür. Fransanın vә İspaniyanın Mәrakeş üzәrindә protektorluğu dövründә (1912–56) F. real hakimiyyәtlәrini itirmişdilәr. 1956 ildә protektorluğun lәğvindәn sonra idarәetmәni әlә aldılar, 1957 ildә kral titulunu qәbul etdilәr.
F. sülalәsinin sultanları (1957 ildәn kralları): I Mәhәmmәd [1631–36]; II Mәhәmmәd [1636–64]; әr-Rәşid [1664–72]; İsmayıl [1672–1727]; Əhmәd әz-Zәhabi [1727–29]; Abdullah [1729–35]; 1735–1757 illәrdә ara müharibәlәri; İsmayılın oğulları vә nәvәlәri hökmranlıq edirdi; III Mәhәmmәd [1757–90]; Yezid [1790–94, digәr mәlumatlara görә, 1792]; Süleyman [1792–1822]; Əbdürrәhman [1822–59]; IV Mәhәmmәd [1859–73]; I Hәsәn [1873–94]; Əbdülәziz [1894–1908]; V Mәhәmmәd [1927–61]; II Hәsәn [1961–99]; VI Mәhәmmәd [1999 ildәn].
