FİLÁTOV Antonin Nikolayeviç (17.8.1902, Oraniyenbaum, indiki Sankt-Peterburq vil., Lomonosov ş. – 7.3.1974, Sankt-Peterburq) – rus cәrrahı vә hematoloqu. SSRİ Dövlәt mükafatı laureatı (1953, 1975). 2-ci Moskva Dövlәt Un-tinin tibb fakültәsini bitirmişdir (1925). 1932 ildәn Leninqrad Qanköçürmә vә Hematologiya İn-tunda, eyni zamanda Stomatologiya İn-tunda, sonra isә İ.P.Pavlov ad. 1-ci Tibb İn-tunda kafedra müdiri olmuşdur (1960 ilә kimi). Tәdqiqatları, әsasәn, hemotransfuziologiya vә cәrrahlıq problemlәrinә hәsr olunmuşdur. Qan plazmasının kütlәvi istifadәsi üsulunu vә hemolitik şokun müalicәsini işlәyib hazırlamışdır (1932). İlk dәfә SSRİ-dә geri qanköçürmәni tәtbiq etmiş (1928), toxumaların konservlәşdirilmәsi laboratoriyasını tәşkil etmiş (1954), aterosklerozda zәdәlәnmiş arterial damarda bәrpa әmәliyyatı aparmış (1957), trombo- emboliya xәstәliklәrinә qarşı mübarizә mәqsәdi ilә mәrkәzlәşdirilmiş xәstәxana tәşkil etmişdir (1968). F. qandan vә qanı әvәz edәn maddәlәrdәn bir çox müalicә preparatları, damar üçün toxuma protezlәri tәklif vә tәtbiq etmişdir. N.İ.Piroqov ad. Cәrrahlar Cәmiyyәtinin fәxri sәdri (1970 ildәn), Beynәlxalq Cәrrahlar Assosiasiyasının (1958), Beynәlxalq Hematoloqlar vә Transfuzioloqlar (1956) vә Ürәk-damar Cәrrahlığı Cәmiyyәtlәrinin üzvü (1969) olmuşdur. Lenin ordeni, üç başqa orden vә medallarla tәltif edilmişdir.

Ə s ә r l ә r i: Руководство по переливанию крови. М.–Л., 1940, (V.N.Şamov ilә birlikdә); Кровезамещающие растворы, их приготовление и применение. Л., 1944; Атлас переливания крови. Л., 1946; Руководство по применению крови и кровезаменителей. 2 изд., Л., 1973.