FİLİP (Philipe) Јеrаr (4.12.1922, Kann - 25.11.1959, Paris) - fransız aktyoru. 1940-cı illərin əvvəllərində Paris konservatoriyasının dram kurslarında oxumuşdur. Səhnə debütü 1940-cı illərdə Nitsa, sonra Paris teatrlarında olmuşdur. İlk böyük rolu (А.Kamyunun eyniadlı pyesində Kaliqula obrazı) ona şöhrət gətirmişdir. 1951 ildən J.Viların Milli xalq teatrının aktyoru olmuşdur (Rodriqo - “Sid”, P.Kornel, Rüi Blaz - “Rüi Blaz”, V.Hüqo). 1940-cı illərin ortalarından kinoda çəkilmiş, (“Sahilyanı Çiçəklər küçəsindən olan körpə”, “İblis necə varsa”, “İdiot”, “Jülyetta, yaxud Yuxuların açarı”, “Parma monastırı”, “İblisin gözəlliyi”, “Fanfan-Zanbaq”, “Cənab Ripua”, “Monparnas, 19”, “Qumarbaz”, “Qırmızı və qara”, “Böyük hərbi təlimlər” və s. filmlərdə romantik, güclü, qəhrəmani obrazlar yaratmışdır. 1956 ildə “Til Ulenşpigelin macəraları” (Y.İvenslə birgə; baş rolda çıxış etmişdir) filmini çəkmişdir.