FİNİKİYA DİLİ – fnikiyalıların dili. E.ə. 4-cü minillikdən Finikiyada (müasir Livan), Kipr a.-nda, Şimali Afrikada, Cənubi İspaniyada, Siciliyanın q.-ində və Sardiniyada yayılmışdı. Yazı dili kimi Cənub-Qərbi Asiya və Suriyada istifadə olunmuş və burada intensiv surətdə aramiləşməyə məruz qalmışdır (bax Arami dilləri).

F. dili ölü sami dillərindən biridir. Şimali Finikiya, Cənubi Finikiya (Tir-Sidon), Kipr, pun (Şimali Afrika) dialektləri olmuşdur.

F.d. üçün xarakterik olan sözlərə qədim yəhudi dilində az və yalnız təmtəraqlı üslublu abidələrdə rast gəlinir.

Finikiya yazısının qədim abidələri – Bibldən tapılan psevdoheroqlif yazıları (təqr. e.ə. 2-ci minilliyin 1-ci yarısı) oxunmamışdır. F.d.-ndə Finikiya yazısı ilə olan ən erkən mətnlər e.ə. 2-ci minilliyin 2-ci yarısına aiddir. E.ə. 1-ci minilliyin sonlarında Finikiya mətnlərini yunan və latın yazıları ilə qeydə almaq cəhdləri olmuşdur.