FİNİKİYA ƏDƏBİYYATI – e.ə. 2-ci minilliyin sonları – 1-ci minillikdə Finikiya ərazisində və onun koloniyalarında inkişaf etmiş ədəbiyyat. Uqarit ədəbiyyatına yaxındır. F.ə.-nın mətnləri demək olar ki, dövrümüzədək gəlib çatmamışdır; yalnız qəbirüstü kitabələr (məs., hökmdar Ahirama həsr edilmiş e.ə. 2-ci minilliyin sonları) və ithaflar (hökmdar Azitavad haqqında e.ə. 9 əsr), həmçinin salnamə və mifoloji rəvayətlərin yenidən işlənmiş yazıları qalmışdır. F.ə.-nın çiçəklənmə dövrü e.ə.2-ci əsrlərdə Karfagendə olmuşdur. F.ə Aralıq dənizi ölkələri ədəbiyyatları tarixində mühüm rol oynamış, Qədim Yunanıstan ədəbiyyatının təşəkkülünə təsir göstərmişdir.
Əd.: Т у р а е в Б.А. Остатки финикийской литературы. СПБ., 1903; Циркин Ю.Б. Мифы Финикии и Угарита. М., 2000.
