FİNVAL, s i y ә n ә k   b a l i n a s ı (Balaenoptera physalus) – dişsiz balinalar yarımdәstәsinin zolaqlılar fәsilәsindәn dәniz mәmәlisi. Yetkin fәrdlәrin bәdәninin uz. 27 m-әdәk (adәtәn, 24 m-dәn az), kütlәsi 75 t-a qәdәrdir (dişilәr erkәklәrdәn iridir); balalarının (qışda tropik vә subtropik sularda doğulurlar) uz. 6–7 m-dir. Bәdәni uzunsov vә yaraşıqlıdır, rostrumu ensizdir, oraqşәkilli bel üzgәci yaxşı inkişaf etmişdir. Belinin rәngi qara, yaxud qәhvәyi-qara, yanları daha açıq rәngdә, alt hissәsi ağdır; alt çәnәnin sağ tәrәfi sol tәrәfindәn xeyli açıq rәngdәdır. Qarın hissәsindә 50–100 zolaq vardır. F.-a Arktikadan Antraktidaya qәdәr açıq okeanlarda rast gәlinir, seyrәk buzlara girir, sahillәrә yaxınlaşır, lakin kiçik dәrinliklәrdәn yan keçir. Adәtәn, 2–7, bәzәn daha çox fәrddәn ibarәt qruplar әmәlә gәtirirlәr. Cәld üzürlәr (tәqr. 40 km/s.-dәk). Plankton, xәrçәngkimilәr, sürü әmәlә gәtirәn balıqlar (o cümlәdәn siyәnәklәrlә, adı da buradandır) vә kalmarlarla qidalanırlar. Populyasiyası balina ovçuluğu dövründә (xüsusәn Antarktidada) çox azalmışdır, hazırda növ tәdricәn bәrpa olunur.

 Finval (Balaenoptera physalus).