FİTÇ Val Loqsdon (10.3.1923, Nebraska ştatı, Мerriman – 5.2.2015, Nyu-Cersi ştatı, Prinston) – Amerika fiziki, Nobel mükafatı laureatı (1980, C.Kronin ilә birgә). ABŞ Milli EA üzvü (1966). Mak – Gill Un-tini bitirmişdir (1948). Kolumbiya Un-tindә işlәmişdir (1953–54). 1954 ildәn Prinston Un-tindә çalışmışdır (1960 ildәn prof.). Elmi işlәri nüvә vә mezon fizikasına, elementar zәrrәciklәr fizikasına aiddir. C.Reynuoter ilә birlikdә μ⁺-mezonun kütlәsini tәyin etmiş, μ⁺-mezonların atomda bir kvant halından o birinә keçidi zamanı onlardan saçan rentgen şüalarının spektrini ölçmüş, müon atomlarını kәşf etmişdir (1953). 1953 ildә yenә Reynuoter ilә birlikdә yüksәk dәqiqliklә Z-in 13-dәn 83-ә qәdәr qiymәtlәrindә nüvәlәrin radiuslarını ölçmüş vә göstәrmişdir ki, nüvәnin radiusu 1,2٠10^–13 sm-ә bәrabәrdir. 1956 ildә tәcrübi yolla tau vә teta adlanan mezonların yaşama müddәtinin bәrabәr olduğunu isbat etmiş vә bununla da bu zәrrәciklәrin identikliyi müәyyәn olunmuşdur. 1960 ildә F. K⁰-mezonunu kәşf etmiş, ilk dәfә K^-0 vә K⁰-mezonlarının interferensiyasını müşahidә etmiçdir (1965). E.Lourens ad. medala (1968) vә ABŞ milli elmi medalına (1993) layiq görülmüşdür.