FİTSCERÁLD (Fitzgerald) Ella (25.4.1917, Virginiya ştatı, Nyuport-Nyus – 15.6. 1996, Kaliforniya ştatı, Beverli-Hills) – amerikan caz vә estrada müğәnnisi. 1934 ildә Harlemin “Apollo” teat- rında keçirilәn hәvәskar müğәnnilәr müsabiqәsinin qalibi olmuşdur. 1935–39 illәrdә Ç.Uebbin orkestri ilә oxumuş, 1939– 42 illәrdә bu ork.-ә rәhbәrlik etmişdir. 1946 ildәn müxtәlif caz vә estrada kollektivlәrindә, o cümlәdәn F.-ı bi-bop üslubunda caz improvizasiyalarına hәvәslәndirmiş D.Gillespinin rәhbәrlik etdiyi estrada kollektivindә çalışmışdır. 1935 ildәn ifaları qrammofon vallarına yazılmışdır. 1950-ci illәrdә vә 1960-cı illәrin әvvәllәrindә ayrı-ayrı bәstәkarların, o cümlәdәn K.Porter (1956), C.Gerşvin (1959), İ.Berlin (1958). D.Ellinqton (onun ork.-i ilә birlikdә, 1957) vә b.-nın mahnılarından ibarәt çoxsaylı solo proqramlar yazdırmışdır. L.Armstronqun ansamblında onunla duetlә (1956 vә 1957 illәrin albomları) vә R.Braunla (1947–53 illәrdә F.-ın әri) trioda çıxış etmişdir. ABŞ-da vә bir çox Avropa ölkәsindә, 1964 ildә Yaponiyada qastrol sәfәrlәrindә olmuşdur. Nyuport (1957), Montrö (1969–81) beynәlxalq caz festivallarında, 1947 ildәn dәfәlәrlә Karnegihollda çıxış etmişdir. 1993 ildә sәhnә fәaliyyәtinә son qoymuşdur.
F. 20 әsrin әn böyük caz müğәnnisidir. Böyük sәs diapazonuna (2 oktava, falsetin kömәyi ilә 3 oktavaya qәdәr) malik olmuşdur. Repertuarına C.Gerşvinin “Porqi vә Bess” operasından Klaranın Beşik mahnısı, saysız-hesabsız mahnılar vә s. daxil idi. 6 kinofilmdә çәkilmişdir. Haqqında 100-әdәk yaxın sәnәdli film var.
