FİTSCÉRALD (Fitzgerald) Frensis Skott (24.9.1896, Minnesota ştatı, Sent-Pol – 21.12.1940, Hollivud) – amerikan yazıçısı. Biznesmen ailәsindә doğulmuşdur. Prinston Un-tindә tәhsil almışdır (1913–17). Tәlәbәlik illәrindә әdәbi vә teatr cә miy yәtlәrinin fәaliyyәtindә yaxından iştirak etmişdir. Birinci dünya müharibәsi illәrindә ABŞ ordusunda zabit kimi xidmәt etmiş, 1919 ildә ordudan tәrxis olunmuşdur. 1924–30 illәrdә, әsasәn, Parisdә yaşamış, orada E.Heminquey ilә tanış olmuşdur. “İtirilmiş nәsil” әdәbiyyatının әn böyük nümayәndәlәrindәn biri olan F.-ın “Cәnnәtin bu tayında” (1920), “Gözәl vә lәnәtlәnmişlәr” (1922) romanları vә hәmçinin hekayәlәri (o cümlәdәn ““Ritz” hoteli böyüklüyündә almaz”, 1922) ona şöhrәt gәtirmişdir. “Böyük Getsbi” (1925; dәfә- lәrlә ekranlaşdırılmışdır), Amerika әdәbiyyatında “itirilmiş nәsil” haqqında ilk әsәrlәrdәn sayılan “Gecә nәvazişlidir” (1934; 1962 ildә ekranlaşdırılmışdır) romanlarının, “Caz әsrinin hekayәlәri” (1922), “Bunların hamısı qәmgin cavanlardır” (1926), hekayәlәrinin, “İradәsiz” (1923) pyesinin müәllifidir. 1937 ildәn Hollivudda ssenarist işlәmişdir. Hollivud hәyatından bәhs edәn “Sonuncu maqnat” (1941, bitmәmişdir;1976 ildә ekranlaşdırılmışdır) sosial-siyasi romanı, novellaları var. E.Heminqueyin “Hәmişә sәninlә olan bayram” (1964) xatirәlәr kitabının çox hissәsi F.-a hәsr edilmişdir. Əsәrlәri bir çox dilә, o cümlәdәn Azәrb. dilinә tәrcümә olunmuşdur.

Ə s ә r i: Избр. Произв. т. 1–3, М., 1977–99; Seçilmiş әsәrlәri. B., 2011.
Əd.: Л и д с к и й  Ю.Я., Скотт Фицджеральд. Киев. 1982; Э.Т ё р н б у л л. Френсис Скотт Фицджеральд. М., 2013; Л и в е р г а н т А.Я. Фицджеральд. М., 2015.