FİZİKİ AKUSTİKA – geniş tezlik diapazonunda akustik dalğaların bәrk, maye vә qaz halında olan maddәlәrlә qarşılıqlı tәsiri öyrәnilәn vә hәmçinin akustik metodlarla maddәnin xassәlәri tәdqiq edilәn akustika sahәsi. F.a.-nın ayrı-ayrı mәsәlәlәrinә hәlә 17 әsrdә baxılsa da, sәrbәst sahә kimi 20-ci әsrin ortalarında formalaşmışdır. F.a. akustik elektronika, akustik optika, maqnit akustikası, kvant akustikası, akustik tomoqrafiya vә s. kimi fәnlәrarası yönәltmәlәrin әsasını tәşkil edir.

F.a.-nın nailiyyәtlәrinin tәtbiqinә aid әn mühüm nümunә kimi ultrasәs defektoskopiyasını, tibbi ultrasәs diaqnostikasını, akustik filtrlәr vә elektrik siqnallarının çeviricilәrini, akustik sensorları göstәrmәk olar.