FİZİOLOJİ MƏHLULLAR – duzun tәrkibinә vә osmotik tәzyiqinә görә qan plazmasına yaxın olan süni hazırlanmış mәhlullar. Kliniki praktikada vә tәcrid olunmuş orqanlarla iş üçün fizioloji tәcrübәlәrdә tәtbiq olunur (mәs., orqanizmin dehidratasiyası-susuzlaşması vә qanitirmә zamanı). Lakin, F.m.-ın böyük miqdarda yeridilmәsi bәzәn suyun vә duzun toxumalara daxil olması nәticәsindә daxili orqanların şişmәsinә sәbәb ola bilәr. F.m. qan әvәzedicisi kimi istifadә olunduqda qlükozalı duz mәhluluna müxtәlif birlәşmәlәr (yük- sәkmolekullu polisaxaridlәr, xüsusi formada işlәnmiş zülallar vә b.) әlavә edilir. Onları tәdqiq edәn tәdqiqatçıların familiyaları ilә adlandırılan F. m.-ın bir sıra reseptlәri mәlumdur:
