FİZO (Fizeau) Arman İppolit Lui (23.9.1819, Paris – 18.9.1896, Vantöy) – fransız fiziki. Paris EA üzvü (1860) vә prezidenti (1878), London Kral Cәmiyyәtinin üzvü (1875). Parisdәki Politexnik Mәktәbinin prof. (1865–67). Mühüm әsәrlәri optikaya aiddir. Fraunhofer xәtlәrini aşkara çıxarmış (J.Fuko ilә birlikdә), yollar fәrqi böyük olduqda, interferensiyanı müşahidә etmәk üçün üsul tәklif etmiş, göy cisimlәrinin hәrәkәt sürәtinin ölçülmәsi imkanını göstәrmiş, işıq sürәtinin tәyini üsulunu işlәyib hazırlamış (1849), hәrәkәt edәn mühitin işığın yayılma sürәtinә tәsirini müәyyәn etmiş (1851) (Fizo tәcrübәsi), bәrk cisimlәrin genişlәnmә әmsalını vә ulduzların bucaq diametrini ölçmәk üçün interferensiya üsulları işlәyib hazırlamışdır. London Kral Cәmiyyәtinin B. Rumford medalı ilә tәltif edilmişdir (1866).