FLAGELLANTLAR (lat. flagello – qırmanclamaq) – 13–15 әsrlәrdә Qәrbi vә Mәrkәzi Avropada günahlardan tәmizlәnmәk üçün özünüqırmanclamanı dini tәcrübә vә tәriqәt nizamnamәsinin bir hissәsi kimi qәbul edәn dini hәrәkatın nümayәndәlәri. F.-ın ilk ideoloqu Fonte-Avellana, Montekassino vә s. monastırlarda özünüqırmanclama praktikasını bәrqәrar edәn Pyotr Damiani (1006–72) hesab olunur. F.-ın ilk açıq nümayişi qvelflәr vә gibellinlәr arasında müharibә dövründә, 1260 ilin mayında Perucada (Umbriya әyalәti) keçirilmişdir. 1260–61 illәrdә F.-ın kütlәvi nümayişlәri Mәrkәzi vә Şimali İtaliyanı bürümüş, sonralar isә Avropaya (Strasburq, Avstriya, Moraviya, Çexiya, Polşa, Macarıstan vә alman әrazilәri) yayılmışdı. 1261 ildә Müq. Taxt-tac F.-ın nümayişini qadağan etmişdi. 

14 әsrin ortalarında F. hәrәkatı yenidәn canlanmış, daha da genişlәnәrәk Hollandiya vә Fransaya da yayılmışdı. Roma papası VI Kliment (1342–52) F. hәrәkatını qadağan etmişdi (20.10.1349 il bullası). Konstans kilsә mәclisi (1414–18) tәrәfindәn F. bidәtçilәr kimi mәhkum olunduqdan sonra hәrәkat nüfuzunu itirmişdir.