FLAKSMEN, Flaksman (Flaxman) Con (6.7.1755, York – 7.12.1826, London) – ingilis heykəltəraşı və qrafiki. Əvvəllər atasının emalatxanasında işləmişdir. Londonda Kral Rəssamlıq Akademiyasında (1770-72) təhsil almışdır. Antik və fransız klassisizm heykəltəraşlığını öyrənmiş, klassisizm istiqamətində işləmişdir. 1775-87 illərdə C. Uecvudun manufakturasında saxsı məmulatların relyefləri üçün antik üslubda və 15 əsr Florensiya heykəltəraşlığının təsiri altında eskizlər hazırlamışdır. 1787-94 illərdə Romada işləmişdir. Vestminster abbatlığında lord Mensfildin (1796-1801), Müq. Pavel baş kilsəsində C.Reynoldsun (180313) və H.Nelsonun (1808-18) monumental qəbirüstü abidələrinin, yunan vaza rəsmləri tərzində rəsmlər seriyasının (“İliada” və “Odisseya”ya, Esxilin faciələrinə, Dantenin “İlahi komediya”sına illüstrasiyalar; 1793-1807 illərdə, əsasən, T.Pirolinin qravüralarında nəşr olunmuşdur; orijinalları Londonda Kral Rəssamlıq Akademiyasında və şəxsi kolleksiyalarda saxlanılır) müəllifidir. Kral Rəssamlıq Akademiyasının heykəltəraşlıq üzrə ilk prof.-u olmuşdur (1810 ildən). Heykəltəraşlıq tarixi və təcrübəsinə dair mühazirələr oxumuşdur.
Flaksmen C. “Atamantın divanәliyi”. 1790–94. Saffolk muzeyi. İkvort ş. (B.Britaniya).
