FLAMAND BEGİNAJLARI - orta əsrlərdə, əsasən, Flandriyada, Şm. Fransada, Almaniyanın reynətrafı r-nlarında rəsmən heç bir rahib konqreqasiyasına mənsub olmayan yarımrahib icma və qardaşlıq üzvlərinin məskunlaşdıqları monastır tipli qəsəbələr. Bəzən şəhərdən kənarda yerləşən, flamand mədəniyyəti üçün səciyyəvi olan memarlıq ansamblını da beginaj adlandırırlar.
14-15 əsrlərdə beginajların fəaliyyəti zəifləmiş, üzvlərinin çoxu rəsmən tanınan rahib konqreqasiyalarına daxil olmuşlar. F.b. Ümumdünya irsi siyahısına (1998) daxil edilmişdir.
