FLÉKSNER (Flexner) Saymon (25.3.1863, Luisvil, Kentukki ştatı – 2.5.1946, Nyu-York) – Amerka mikrobioloqu, patoloq, “Leonoldin” Akademiyasının (1927) vә London Kral Cәmiyyәtinin (1919) üzvü. 1882 ildә Luisvildә farmakoloji kolleci, 1889 ildә Luisvil Un-tinin tibb fakültәsini bitirmişdir. 1890–92 illәrdә Baltimorda Cons Hopkins Un-tindә eksperimental patologiya üzrә tәcrübә keçmişdir. 1899–1903 illәrdә Pensilvan Un-tinin patologiya üzrә prof. olmuşdur. 1903 ildәn Rokfeller İn-tunda (1965 ildәn Rokfeller Un-ti) tibbi tәdqiqatlar üzrә işlәmişdir; 1920–35 illәrdә oranın direktoru, 1935 ildәn fәxri direktoru olmuşdur. F.-in әsas tәdqiqatları infeksion xәstәliklәrә hәsr edilmişdir. Polimielit, taun, sifilis, epidemik ensefalit vә s.-nin etiologiya vә epidemiologiyasının öyrәnilmәsinә mühüm töhfәlәr vermişdir. 1900 ildә şigellanın yeni növünü kәşf etmiş vә onun adı ilә adlandırılmışdır (shigella flexneri). F.-ә hәmçinin ilan zәhәrinin biokimyası, piy distrofiyası, ekspermental pankreatit vә s. üzrә әsәrlәr dә mәxsusdur.

Ə s ә r l ә r i: On the etiolgy of tropical dysentery // Bulletin of the Johns Hopkins Hospital. 1900. Vol. 11. № 115; The transmission of acute Poliomyelitis to monkeys // Journal of American Medical Association 1909. Vol. 53 (with P.A.Lewis).