FLÉNSBURQ – AFR-dә, Şlezviq-Holşteyn federal әrazisindә şәhәr. Əh. 85,9 min (2015). Baltika dәnizinin Kil buxtası sahilindә port. Nәql. qovşağı.

  Flensburq şәhәrindәn görünüş.

Əsası tәqr. 13 әsrin әvvәllәrindә qoyulmuşdur. 1284 ildә şәhәr hüququnu almışdır. 14 әsrin ortalarında qala divarları  ilә әhatәlәnmişdir. 1460 ildә Danimarka krallığına qatılmışdır. 17 әsrin әvvәllәrindә çiçәklәnmә dövrünü yaşamış şәhәr Otuzillik müharibәdәn (1618–48) vә Şimal müharibәsindәn (1700–21) sonra tәnәzzül etmişdir. 18 әsrin sonlarından Baltika, sonralar isә Ümumavropa ticarәti sayәsindә yenidәn dirçәlmişdir. Danimarka-Prussiya müharibәlәri (1848–50; 1864) gedişindә hәrbi әmәliyyatlar meydanı olmuşdur. 1864 ildә Prussiya krallığının, 1871 ildә Almaniya imperiyasının tәrkibinә qatılmışdır. K.Dönitsin başçılıq etdiyi Almaniyanın sonuncu nasist hökumәti F.-da (1945) fәaliyyәt göstәrmişdir.

F.-un ən qədim tarixi memarlıq abidələri 13-16 əsrlərə aiddir. Şəhərdə Lüteran kilsələri, 2 Roma katolik kilsəsi və 2 məscid; Fransa-Prussiya, Prussiya-Danimarka müharibələrində həlak olanların xatirəsinə və s. abidələr var. Şimal qapısı F.-un simvoludur. Şlezviq-Qolştinski federal ərazi teatrı və simfonik ork.-i, İ.S.Bax ad. F. xoru (1906) və s. fəaliyyət göstərir.

Gәmiqayırma, elektrotexnika, kağız, poliqrafiya, yeyinti sәnayesi müәssisәlәri var.