FLƏŞ-YADDAŞ (ing. flash – işıq saçma) – kompüter vә digәr rәqәmli oxuma qurğularına universval ardıcıl şin (Universal Serial Bus – USB) interfeysi ilә qoşulan yaddaş qurğusu (verilәnlәr daşıyıcısı). F.-y. yapon alimi F.Masuoko tәrәfindәn (“Toshiba” kompaniyasında işlәyәrkәn) yaradılmış vә 1984 ildә geniş auditoriyaya tәqdim edilmişdir. Bir sәviyyәli vә hәr biri vahid bit informasiya saxlayan xanaları (ing. SLC, single-level cell) olan (müraciәt müddәti az, resurs böyük) vә çox sәviyyәli, hәr biri eyni vaxtda bir neçә bit informasiya saxlayan (yüksәk sıxlıqlı tәrtib) xanaları (ing. MLC, multi-level cell) olan F.-y. ayırd edilir. Müasir SLC-lәrin yenidәn yazılma tsikli 30–50 min, MLC üçün 3–5 min; saxlanılma müddәti 10 ildir. 

F.-.y.-ın xanalarını massivdә birlәşdirilmәsi vә onlardan istifadә üsullarına görә NOR arxitekturasına (VƏ YA–YOX mәntiqi әmәliyyatı; istәnilәn xanadan istifadә, cәld oxuma) vә NAND arxitekturasına (VƏ–YOX mәntiqi әmәliyyatı; xanalar blokundan istifadә, cәld yazma vә pozma, yüksәk
sıxlıqlı tәrtib, böyük resurslu F.-y.) ayrılır. Adәtәn, uz. 3–5 sm, çәkisi 60 q-dan az olur. Disketlәrlә müqayisәdә çәkisi azdır, sәssiz işlәyir vә yığcamdır; müasir kompüterlәr, televizorlar vә DVD oxuducuları USB-portlarına malik olduqları üçün istifadәsi universaldır; az enerji tәlәb edir, temp-run geniş diapazonunda işlәyә bilir; mexaniki tәsirlәrә (vibrasiya vә zәrbә), hәmçinin maqnit sahәlәrinin tәsirlәrinә daha davamlıdır.