FLÓRES – Sakit okeanda, Kiçik Zond a-rı qrupunda ada; İndoneziya әrazisidir. Sah. 15,6 min km2. Sahil xәtti kәskin parçalanmışdır. Adanı q.-dәn ş.-ә, әsasәn, andezit vә bazaltlardan tәşkil olunmuş dağlar (hünd. 2400 m-әdәk) kәsir. Dağlar Flores dәnizinin c. sahilinә dik düşür, şm. yamacları azmeyillidir; şm. sahili boyu tәpәli düzәnliklәr uzanır. 10-dan çox fәaliyyәtdә olan vulkan (Levotobi, İneriye, Keli-Mutu vә s.) var. İqlimi subekvatorial mussondur. İllik yağıntı 1000–1400 mm-dir. Portuqa- liya dәniz sәyyahlarının adaya verdiklәri “F.” adı buranın florasının zәnginliyini әks etdirir. Dağlar hәmişәyaşıl, hәmçinin yarpağınıtökәn musson meşәlәrlә örtülüdür; әrazinin xeyli hissәsini alanq-alanq otluqları ilә birlikdә savannalar tutur.
Flores adası. Kelimutu vulkanının kraterindә rәngli göllәr.
Balıqçılıq, dәniz mәhsulları hasilatı, oduncaq vә taxta mәmulatları istehsalı әsas mәşğulluq sahәlәridir. K.t.-nda çoxlu kiçik fermalar fәaliyyәt göstәrir. Çәltik, qarğıdalı, batat, maniok, kokos vә s. becәrilir. F.-dәn qәhvә, hindqozu (keşyu), dәniz mәhsulları, vanil ixrac olunur, adaya maşınqayırma vә kimya mәhsulları gәtirilir. Turizm inkişaf edir. Əsas şәhәrlәri: Rutenq vә Endә. İES vә 6 aeroport var.
