FLORİ (Florey) Xoyard Uolter (21.9.1898, indi Adelaidanın tәrkibindә olan Malveri – 21.2.1968, Oksford) – Avstraliya vә ingilis patoloqu, mikrobioloq. London Kral cәmiyyәtinin üzvü (1941), 1960–65 illәrdә onun prezidenti. Nobel mükafatı laureantı (1945, A.Fleminq vә E.Çeyn ilә birgә) Tibbi Adelaida Un-tindә (1917–21) vә Oksford Un-tindә (1921–24; fiziologiyanı Ç.Şerrinqtonun rәhbәrliyi ilә) öyrәnmişdir. Şeffilddә (1931) vә Oksfordda (1935–62) patologiya prof.-u, oradakı Kral kollecinin rektoru (1962–68) olmuşdur. Əsәrlәri eksperimental patologiyaya, fermentlәrin (lizosim), mikrob mәnşәli antibiotiklәrin tәdqiqinә vә s. hәsr edilmişdir. Penisillinin öyrәnilmәsi (E.Çeynlә birlikdә) 2-ci Dünya müharibәsi illәrindә onun sәnaye istehsalının tәşkilinә sәbәb oldu. 1940 ildә heyvan vә insan müalicәsi üçün preparatı ilk dәfә müvәffәqiyyәtlә tәtbiq etdi. 1944 ildә rıtsar, 1965 ildәn Nobel mükafatı (1945, A.Fleminq vә E.Çeynlә birgә) baronu rütbәsinә layiq görüldü. 2009 ildә Ayda bir krater F.-nin adını daşıyır.