FLURÁNS (Flourens) Pyer Jan Mari (24.4.1794, Ero dep., Moreyan – 5.12.1867, Paris yaxınlığında Monjeron) – fransız fizioloqu. Paris EA-nın (1828, 1833 ildәn onun daimi katibi), Fransa akademiyasının (1840) vә London Kral cәmiyyәtinin (1835) üzvü. 1830 ildәn Milli Tәbiәt Tarixi muzeyinin, 1855 ildәn Kollej de Fransın prof.-u olmuşdur. Əsas әsәrlәri sinir sisteminin oyanıqlığı, quruluşu vә funksiyalarına, sümüklәrin vә dişlәrin inkişafına, dәrinin vә selikli qişanın quruluşuna vә s. hәsr edilmişdir. Uzunsov beyindә onun hәyat düyünü adlandırdığı tәnәffüs mәrkәzinin olduğunu kәşf etmişdir (1822). Xarici alәmin dәrk edilmәsinin vә iradi hәrәkәtlәrin baş beyinin böyük yarımkürәlәri ilә әlaqәdar olduğunu müәyyәnlәşdirmiş, lakin böyük yarımkürәlәrin ayrı-ayrı nahiyәlәri arasında funksional fәrqlәrin mövcud olmadığını sәhv ehtimal etmişdir.

Ə s ә r l ә r i: Recherches experimentales sur les propriétés et les fonetions du sistéme nerveux dans les animaux vertébrés, P., 1824; Expreriences sur le systeme nerveux..., P., 1825; Théorie expérimentale de la formation des OS., P., 1847; Cours de physiologie comparée..., P., 1856.