FLÜORSİLİKATLAR - tərkibindəSiF2-6 (heksaflüorsilikatlar) və ya SiLF-5 (pentaflüorsilikatlar; L - H2O, NH3, RNH2, R2NH və s.) anionları olan birləşmələr. F.-a həmçinin tərkibində eyni zamanda SiF2-6 və F- (heptaflüorsilikatlar), SiF2-6 və SiLF-5 (undekaflüordisilikatlar və heksadekaflüortrisilikatlar) anionları olan birləşmələr də aiddir. Heksaflüorsilikatlar - heksaflüorsilikat turşusunun duzları ən əhəmiyyətliləridir, onların tərkibinə bir- və ikiyüklü metal ionları,NH+4, N2H+4, NF+4 tipli biryüklü ionlar, həmçinin bəzi üçyüklü ionlar daxildir; tərkiblərində qarışıq kationlar (məs., NaKSiF6, KRbSiF6) da ola bilər. Bərk heksaflüorsilikat turşusu-oksonium heksaflüorsilikatdır (H5O2)2SiF6 İkiyüklü metalların heksaflüorsilikatları di-, tetra- və ya heksahidratlar əmələ gətirir.
Susuz F.-ın nisbətən aşağı temp-rlarda sadə flüoridlərədək termiki parçalanma qabiliyyəti onların ümumi xassəsidir. F. məhlullarda hidratlaşmış SiO2 və ya metalların silikat və flüoridl ərini əmələ gətirməklə qələvi hidrolizinə uğrayır. F. qüvvətli turşuların təsirindən HF və SiF4 ayrılmaqla parçalanır. F. 500-600°C-dən yuxarı temp-rda pirohidroliz olunur. F.-ın əsas alınma üsulları metal duzlarının təsirilə heksaflüorsilikat turşusunun məhlulundan çökdürmə və ya məhlulda mübadilə reaksiyalarından ibarətdir.
Natrium-heksaflüorsilikat Na2SiF6 NaF, Na3AlF6, K2SiF6, NH4F və CaF2-nin alınmasında, metalların qaynaq və lehimlənməsində işlədilən flüslərin komponenti kimi və s. istifadə edilir. Kalium-heksaflüor silikat K2SiF6 sirkonlu konsentratları flüorlaşdırmaq, reagent, sintetik mika, mina və turşuyadavamlı yaxma almaq üçün qarışıqların komponenti kimi və s. tətbiq olunur. Müxtəlif F. oduncaq konservantları və beton komponentləri kimi, F.-ın məhlulları isə əlvan metalların saflaşdmlmasında istifadə olunur.
