“FOLKSBÜNE” (“Volksbühne”-“Xalq səhnəsi”, indiki “Volksbühne am Rosa-Luxemburg-Platz” - “Roza Lüksemburq meydanında xalq səhnəsi”) - Almaniyanın (Berlin) aparıcı teatrlarından biri. 1890 ildə fəhlə hərəkatında “Fraye Folks büne” mədəni-siyasi təşkilatı kimi meydana gəlmişdir. İlk tamaşaları qapalı keçirilmişdir (yalnız təşkilatın üzvləri üçün). Siyasi yönlü repertuarına klassik, həmçinin H. İbsen və G. Hauptmanın pyesləri daxil idi. 1892 ildə “Fraye Folksbüne”dən “Noye Fraye Folksbüne” ayrılmışdır. 1913 ildə hər iki təşkilat yeni teatr binasının inşası vaxtı əməkdaşlıq etməyə başlamış, 1919 ildə yenidən birləşmişdir. Bülov meydanındakı (indiki Roza-Lüksemburq-Plats) bina 1914 ildə inşa olunmuşdur. Bu, o dövrün ən müasir təchiz olunmuş teatr binalarından biri idi (2000 yerlik zal). 1915-18 illərdə intendantı M.Reynhardt olmuşdur. Aktyorları: P.Vegener, V.Krauss, E.Lübiç, Yaninqs və b. 1924-27 illərdə truppaya Piskator rəhbərlik etmişdir. Üçüncü reyx illərində “F.” “Horst-Vessel Platsdakı Teatr” adlanmış və alman səhnələri imperiya birliyinə daxil olmuşdur. İkinci dünya müharibəsi illərində teatrın binası tamamilə dağıdılmış; 1950-54 illərdə bərpa olunmuşdur. Bütün tarixi boyu siyasi yönümlü teatr olan “F” öz dövrünün ən kəskin mövzularına müraciət edir; bu, yalnız müasir pyeslərdə deyil, Kaslorfun (1992 ildən teatrın intendantı) H.İbsenin (“Qurucu Solnes”, 2014), yaxud (“Yudif” K.F.Hebbelin, əsərləri əsasında hazırladığı tamaşalarda öz əksini tapır. Truppa ilə K.Martaler və b. görkəmli rejissorlar işlə yirlər.