FOND (lat. fondus – әsas, bünövrә) – 1) hәr hansı mәqsәd üçün nәzәrdә tutulan (mәs., әmәkhaqqı F.-u, pensiya F.-u, investisiya F.-u), yaxud nәyinsә әsas resurslarını, ehtiyatlarını tәşkil edәn (mәs., kitabxana F.-u) pul vә ya maddi vәsaitlәr; 2) fiziki vә (vә ya) hüquqi şәxslәrin әmlak haqları әsasında tәsis etdiklәri, sosial, xeyriyyә, mәdәni, tәhsil vә ya digәr ictimai faydalı mәqsәdlәr güdәn, üzvlüyü olmayan tәşkilat (mәs., xeyriyyә F.-u, elm F.-u).

Azәrb. Resp.-nın mülki qanunvericiliyinә әsasәn yaradılan F.-un nizamnamә kapitalı 10 min manatdan az olmamalıdır. F.-un tәsisçilәrinin (tәsisçisinin) verdiyi әmlak onun mülkiyyәtidir vә F. ondan öz nizamnamәsindә müәyyәnlәşdirdiyi mәqsәdlәr üçün istifadә edir. F. öz әmlakından istifadә haqqında hesabatları hәr il dәrc etmәyә borcludur. Tәsisçilәr yaratdıqları F.-un öhdәliklәri üçün, F. isә öz tәsisçilәrinin öhdәliklәri üçün mәsuliyyәt daşımır. F.-un idarә edilmәsi vә orqanlarının forma- laşdırılması qaydası tәsisçilәr tәrәfindәn tәsdiq edilәn nizamnamә ilә müәyyәnlәşdirilir. F.-ların ayrı-ayrı növlәri, o cümlәdәn xeyriyyә tәşkilatlarının xüsusiyyәtlәri vә hüquqi vәziyyәti Azәrb. Resp.-nın Mülki Mәcәllәsi vә qanunvericiliklә müәyyәnlәşdirilir (Azәrb. Resp.-nın MM, maddә 115).