FONOTÉKA (fon + ...teka) – musiqi, әdәbi, sәnәdli, xüsusi tәdris vә s. әsәrlәrin sәsyazmalarının müәyyәn system üzrә tәşkil olunmuş toplusu; sәsyazmalarını toplayan, onları xüsusi qayda ilә qoruyub saxlayan müәssisә. Universal vә ixtisaslaşdırılmiş dövlәt, ictimai vә şәxsi F.-lar var. Ümumtәhsil, ali vә orta ixtisas mәktәblәrindә, xüsusilә musiqi, teatr, pedaqoji, mәdәni-maarif tәmayüllü mәktәblәrdә tәdris F.-larından geniş istifadә olunur. Müasir dövrdә ictimai F.-lar kütlәvi kitabxanalarda yaradılır. Şәxsi F.-lar müxtәlif fiziki vә rәqәmsal formatlarda qorunan musiqi nәşrlәrindәn ibarәtdir. Brüssel beynәlxalq F.-sı (Belçika), Berlin kitabxanası vә Berlin EA-nın F.-ları (Almaniya), Britaniya muzeyinin (B.Britaniya), Vaşinqtonda Konqres kitabxanasının (ABŞ) F.-ları vә s. dünyanın әn iri sәsyazmaları toplularındandır.

“Azәrb..Televiziya vә Radio verilişlәri” Qapalı Sәhmdar Cәmiyyәtinin, Azәrb. Milli Kitabxanasının, Bakı Musiqi Akademiyasının vә s. F.-ları mövcuddur.