“FORD” – ABŞ-dakı “Ford Motor” konserninin vә onun Kanada, Meksika, Braziliya, Argentina, RF, İspaniya, ÇXR vә s. ölkәlәrdәki filiallarının buraxdığı avtomobillәrin adı. “F.” minik avtomobillәrinin seriyalı istehsalına 1903 ildә (ilk avtomobil 1896 ildә buraxılmışdır), yük avtomobillәrinin istehsalına 1912 ildә başlanmışdır. “F.” markalı sәnaye vә k.t. traktorları da geniş yayılmışdır. Müxtәlif sinifdәn olan minik avtomobillәrinin mühәrrikinin işlәk hәcmi 1–5 l, gücü 100–400 kVt, maks. sürәti 300 km/saata qәdәr (2013 ildәn buraxılan “F. Shelby” avtomobillәrinin mühәrrikinin işlәk hәcmi 5,8 l, gücü 473 kVt, maks. sürәti 320 km/saat), müxtәlif tәyinatlı yük avtomobillәrinin tam kütlәsi 1,2– 30 t, yükqaldırma qabiliyyәti 0,4–20 t, gücü 33–275 kVt-dır.

 “Ford Fusion” avtomobili. 2019.