FORSÁYT (Forsythe) Uilyam (d.30.12.1949, Nyu-York) – amerikan vә alman balet artisti, xoreoqraf. 1969–71 illәrdә Nyu-Yorkda “Coffri balle” mәktәbindә tәhsil almış, 1971–73 illәrdә “Coffri balle-II” truppasında çalışmışdır. 1973–81 illәrdә Ştutqart baletindә işlәmiş, burada xoreoqraf kimi debütü “Əzәli işıq” (Q.Malerin musiqisi әsasında, 1976) tamaşası ilә olmuş, sonra truppanın xoreoqrafı işlәmişdir. Klassik rәqsin leksikasını dәrindәn öyrәnmәsı vә onu dәyişdirmәyә sәy göstәrmәsi F.-n öz sisteminin yaradılması ilә nәticәlәndi. Bununla belә F.-ın tamaşaları alman mәdәniyyәtinin teatr, xoreoqrafiya vә intellektual әnәnәlәrinә әsaslanır. 20 әsrin sonu – 21 әsrin әvvәllәri Avropanın aparıcı xoreoqrafları arasında yer alan F. dünyanın әn böyük balet sәhnәlәri ilә әmәkdaşlıq edir. 1982 ildәn Frankfurt baletinin xoreoqrafı, 1984–2004 illәrdә rәhbәri olmuş, burada İ.S.Bax vә E.Qrossman-Hektin (“Artefakt”, 1984), T.Villems, L.Stak, Qrossman-Hekt vә L. van Bethovenin (“Çarı heyrәtә salaraq”, 1988), Villemsin (“İkinci tәfsilat”, 1991), F. Şubertin (“Dәqiqliyin başgicәllәndirәn nәşәsi”, 1996) vә b.-nın musiqisinә tamaşalar hazırlamışdır. Frankfurt-Mayn vә Drezdendә fәaliyyәt göstәrәn “Balet Forsayt” truppasının (2005–2015) yaradıcısı vә rәhbәridir. 2015–16 illәrdә Paris operasının dәvәtli xoreoqrafı olmuşdur. Filmlәrin, videolayihәlәrin installyasiyaların, performansların müәllifidir, festival vә sәrgilәrin (o cümlәdәn fәrdi) iştirakçısıdır. Venesiya biyennalisindә “Sәnәtdә keçәn ömür” nominasiyasında “Qızıl şir” mükafatını (2010) almışdır.