FÓRSTER Eduard Morqan (1.1.1879, London – 7.6.1970, Koventri) – ingilis yazıçısı. Kembric Un-tini bitirmişdir (1901). İlk irihәcmli әsәri “Mәlәklәrin getmәyә qorxduğu yer” (1905) romanıdır. Psixoloji nәsr ustası kimi tanınmışdır: “Ən uzun sәyahәt” (1907), “Mәnzәrәli otaq” (1908), “Hovards End” (1910), “Moris” (1913–14, nәşri 1971) romanları vә s. “Maşın dayanır” (1909) povest-antiutopiyası, “Hindistana sәfәr” (1924) sosial-psixoloji romanı geniş şöhrәt qazanmışdır. Dram әsәrlәrinin, hekayәlәrin, “Billi Bad” operasının librettosunun (1951, G.Melvillin novellası әsasında, E.Krozye ilә birgә, musiqisi B.Brittenindir), tәrcümәlәrin, әdәbi-tәnqidi mәqalәlәrin müәllifidir. Bәzi әsәrlәri ekranlaşdırılmışdır.

Ə s ә r i: Избранное. Л., 1977.