FÓRVARD MÜQAVİLƏSİ (ing. forward contract, forward – ön) – fәrdi qaydada (adәtәn, bank ilә onun müştәrisi arasında) bağlanılan,standartlaşdırılmayan vә birjalarda alqı-satqı aparılmayan fyuçers müqavilәsi. Fyuçers müqavilәsindәn fәrqli olaraq F.m. hәr gün bağlanılmır, odur ki, tәrәflәrin mәnfәәti vә zәrәri onun icrası anında müәyyәn olunur. F.m. fyuçers müqavilәlәri, svoplar haqqında sazişlәr vә opsionların alışı ilә yanaşı, hecirlәmәnin әsas alәtlәrindәn biridir. Forvard valyuta mәzәnnәsi vә forvard faiz dәrәcәsi haqqında müqavilәlәr daha geniş yayılmışdır.

Qeyri-standart mәblәğ vә ya müddәt üçün bağlandığı üçün F.m. fyuçers müqavilәsindәn daha baha olur. Bundan әlavә, F.m. sahibi onu satmaq qәrarına gәlәrsә, bu zaman bank ilә yenidәn müqavilә bağlamalıdır. Standartlaşdırılmış fyuçers müqavilәlәrin nisbәtәn F.m. dövriyyәsinin xeyli aşağı olması bununla bağlıdır. Svoplar haqqında hәr hansı sazişi dә F.m. paketi kimi nәzәrdәn keçirmәk olar.