FOSFOLİPİDLƏR − molekulunda çoxatomlu spirtin törәmәsinә efir әlaqәsi ilә birlәşmiş fosfat turşusu qalığını saxlayan tәbii lipidlәr. F.-in әn geniş yayılmış qrupu ümumi formulu

ROCH₂CH(OR′)CH₂OP(O)(O^–)OX(R,R′–alkil, alkenil, asil; X=H, CH₂CH₂N⁺H₃vә s.) olan fosfoqliseridlәrdir. Fosfolipidlәrә hәmçinin fosfosfinqolipidlәr RCH(OH)CH(NHCOR′)CH₂OP(O)(O^–)OX, diol fosfolipidlәr RO(CH₂)_nCH₂OP(O)(O^–)X vә fosfonolipidlәr [mәs, ROCH₂CH(OR′)CH₂OP(O)(O^–)CH₂CH₂N⁺H₃ vә ROCH₂CH(OR′)CH₂P(O)(O^–)OCH₂CH₂N+H₃] aiddir. F.-in molekulları qeyri-polyar hidrofob “quyruq” vә polyar hidrofil “başcıq” (fosfat turşusunun qalığı) hissәlәrindәn ibarәtdir ki, bu da F.-in әksәr fiziki-kimyәvi xassәlәrini, o cümlәdәn biol. membranların formalaşdırmaq qabiliyyәtini müәyyәn edir. pH~7 olduqda әksәr F.-in fosfat qrupu ionlaşır. F. fosfolipazaların tәsirindәn hidroliz olunur. F.-in hidrolizi zamanı yumşaq şәraitdә yağ turşuları (bu halda fosfat turşusu qalığının mürәkkәb efir әlaqәlәri dәyişmәz qalır), sәrt şәraitdә hәm dә XOH qrupu ayrılır; turşuların tәsirindәn bütün mürәkkәb efir әlaqәlәri hidrolizә uğrayır. F. bir sıra molyuskalar, dәniz orqanizmlәri vә ibtidailәrdә aşkar edilmişdir; mәmәlilәrdә yalnız izlәri tapılmışdır. Fosfoqliserofosfonolipidlәr, sfinqofosfonolipidlәr vә sfinqoqlikofosfonolipidlәr ayırd edilir. Onlar, әsasәn, 2-aminetilfosfon turşusunun törәmәlәridir. F.-in rolu aydınlaşdırılmamışdır; C–P әlaqәsinin kimyәvi vә fermentativ hidrolizә qarşı yüksәk davamlılığı ilә әlaqәdar olduğu güman edilir. F. tәbii mәnbәlәrdәn alınır vә ya sintez edilir.